LI 500 MI PIACE

LI  500  “MI PIACI”

Quannu  lu  ma  figliu  mi  dissi   a  internet  ti  scrivu

iu  cci  rispunniu…. “A  chissi  cosi  nun  cci  criu”

Ammeci  stamu  festeggiannu  li  500  “mi piaci” ‘nti la pagina

Succidinu  cosi  ca  unu  mancu  si  lu  ‘mmagina

A  nu  Pueta  dialettali  d’autri timpi

lu  canuscinu  sulu  i  familiari  e  qualchi  parinti

Ammeci  oggi li  puesì  ca  presenti

vinu  canusciuti a ORIENTI,  e  OCCIDENTI

Li  me  puesì  sunu liggiuti  da  assai  genti

ca  iu  ringraziu , di cori ,  sinceramenti

‘na  vota  ‘na  poetessa  dialettali  presentà  puesie  personali

Patrocinati  do  Comuni, e presentati  ‘nti la  Sala  Consiliari

Si  e  no  ieramu  ‘na  ventina  di  persone

ammeci  INTERNET  FA  DI  AMPLIFICAZIONE

Vugliu diri   a  li  autori di  ‘sta  ‘nvenzioni

un  sinceru  grazii,  puru  a  cu   iavi  a  Gestioni

Grazii  ancora,  ppi  tuttu  chiddu  ca  anu  ‘nvetatu

accussì  lu  Munnu   Globalizzau    Addivintatu

                                               Fedele  Di Francisca

Villarosa  (Enna)  aprile  2017